राजस्थानी साहित्यकार परिचै कोश

(राजस्थानी भाषा, साहित्य एवं संस्कृति अकादमी, बीकानेर)


घणा मानीता,
सादर नमस्कार। आपनै औ जाण’र घणो हरख हुवैला कै राजस्थानी भाषा, साहित्य एवं संस्कृति अकादमी, बीकानेर बेगो ई राजस्थानी साहित्यकारां (राजस्थान रा वासी अर प्रवासी) रै अेक संक्षिप्त परिचै कोश रो प्रकाशन करणो तेवड़्यो है। इण मांय राजस्थान अर देस-दुनिया रै किणी खूणै में रैवण वाळै राजस्थानी साहित्यकार रो परिचै सामल करियो जासी। इण सारू औ गूगल फार्म लिंक अठै दिरीज रैयो है। राजस्थानी साहित्य री विविध विधावां मांय सिरजणरत सगळा साहित्यकारां सूं घणै मान अरज है कै आप बेगै सूं बेगो आपरो परिचै इण गूगल फार्म रै फॉर्मेट मांय पूगतो करावो, जिणसूं इण ‘राजस्थानी साहित्यकार परिचै कोश’ रो प्रकाशन बगतसर होय सकै। परिचै कोश में सामल होवण सारू साहित्यकार री कम सूं कम एक राजस्थानी पोथी अवस छप्योड़ी होवणी चाईजै। आप आपरै संक्षिप्त परिचै री विगत मांय फगत राजस्थानी में छप्योड़ी पोथ्यां रै सागै आपनै राजस्थानी लेखन सारू मिल्या खास पुरस्कार-सम्मान अर दूजी उपलब्ध्यिां री जाणकारी इण गूगल फॉर्म रै फॉर्मेट मुजब भेज सको।

◆◆◆◆◆◆◆◆◆◆◆◆◆◆◆◆ गूगल फार्म लिंक:
https://forms.gle/VCmTddRUhshZR4Ay5
◆◆◆◆◆◆◆◆◆◆◆◆◆◆◆◆

केई बेळा फेसबुक माथै गूगल फार्म रो लिंक सपोर्ट नीं करै, इण वास्तै आप वॉट्सऐप कै पछै ई-मेल रै मार्फत भी इण लिंक नै आपरै साथियां सूं सीर-साझो कर सको। जका रचनाकार किणी कारणां कै कम्प्यूटर री जाणकारी नीं राखण रै कारण इण फार्मेट नै भर मांय असहज मैसूस करै, बै नीचै दियोड़ै ई-मेल कै मोबाईल-वॉट्सऐप नंबर माथै हाथ सूं लिख्योड़ो रो परिचै भी भेज सकै। औ कोश बेगो ईज छपणो है, इण वास्तै आप सगळां सूं घणै मान अरज है कै 10 अगस्त, 2022 सूं पैली आपरो पूरो विवरण भिजाय दिरावो|
◆◆◆◆◆ सैयोग री आस अर भरोसै सागै

अरजवंत


■■■■रवि पुरोहित ■■■■
संपादक
'राजस्थानी साहित्यकार परिचै कोश'
डी-42, विजय विहार, सोफिया स्कूल रै लारै,
बीकानेर (राजस्थान) 334001
मो. 9414416252

■■■■ शरद केवलिया ■■■■
सचिव, राजस्थानी भाषा, साहित्य एवं संस्कृति अकादमी,
करमीसर रोड, मुरलीधर व्यास नगर,
बीकानेर 334004
मो. 9829008959
●●●●●●●●●●●●●●●●●●●●
ई-मेल:
sahityakarparichaykosh@gmail.com